Mat 1

1 Leabhar ginealaich Iosa Criosd, mhic Dhaibhidh, mhic Abrahaim.
2 Ghin Abraham Isaac, agus ghin Isaac Iacob, agus ghin Iacob Iudas agus a bhràithrean.
3 Agus ghin Iudas Phares agus Sara o Thamar, agus ghin Phares Esrom, agus ghin Esrom Aram.
4 Agus ghin Aram Aminadab, agus ghin Aminadab Naason, agus ghin Naason Salmon.
5 Agus ghin Salmon Boos o Rachab, agus ghin Boos Obed o Rut, agus ghin Obed Iese.
6 Agus ghin Iese Daibhidh an rìgh, agus ghin Daibhidh an rìgh Solamh o'n mhnaoi a bha aig Urias.
7 Agus ghin Solamh Roboam, agus ghin Roboam Abia, agus ghin Abia Asa.
8 Agus ghin Asa Iosaphat, agus ghin Iosaphat Ioram, agus ghin Ioram Osias.
9 Agus ghin Osias Ioatam, agus ghin Ioatam Achas, agus ghin Achas Esecias.
10 Agus ghin Esecias Manases, agus ghin Manases Amon, agus ghin Amon Iosias.
11 Agus ghin Iosias Iechonias agus a bhràithrean, mu àm an giùlain do Bhabilon.
12 Agus an déigh an toirt do Bhabilon, ghin Iechonias Salatiel, agus ghin Salatiel Serobabel.
13 Agus ghin Serobabel Abiud, agus ghin Abiud Eliacim, agus ghin Eliacim Asor.
14 Agus ghin Asor Sadoc, agus ghin Sadoc Achim, agus ghin Achim Eliud.
15 Agus ghin Eliud Eleasar, agus ghin Eleasar Matan, agus ghin Matan Iacob.
16 Agus ghin Iacob Ioseph fear-posda Mhuire, o'n d'rugadh Iosa, d'an goirear
Criosd.
17 Uime sin na h-uile ghinealaich o Abraham gu Daibhidh, is ceithir ginealaich
deug iad; agus o Dhaibhidh gu bruid Bhabiloin, ceithir ginealaich deug; agus o bhruid Bhabiloin gu Criosd, ceithir ginealaich deug.
18 Agus mar so bha breith Iosa Criosd: oir an déigh do cheangal-posaidh bhi air a dheanamh eadar a mhàthair Muire agus Ioseph, roimh dhoibh teachd cuideachd,
fhuaradh torrach i o'n Spiorad Naomh.
19 Ach air bhi do Ioseph a fear 'n a dhuine cothromach, agus gun toil aige ball-sampuill a dheanamh dhi, bu mhiann leis a cur uaith os ìosal.
20 Ach ag smuaineachadh nan nithean sin dha, feuch, dh'fhoillsich aingeal an Tighearn' e féin da ann am bruadar, ag ràdh, A Ioseph, a mhic Dhaibhidh, na bitheadh eagal ort do bhean Muire a ghabhail a d'ionnsuidh: oir an ni a tha air a ghineamhuin innte, is ann o'n Spiorad Naomh e.
21 Agus beiridh i mac, agus bheir thu Iosa mar ainm air; oir saoraidh e a shluagh féin o'm peacaidhean.
22 (Agus rinneadh so uile chum gu'n coimhliontadh an ni a thubhairt an Tighearn
leis an fhàidh, ag ràdh,
23 Feuch, bithidh maighdean torrach, agus beiridh i mac, agus bheir iad Emanuel
mar ainm air, is ionnan sin r'a ràdh. Air eadar-theangachadh, Dia maille ruinn.)
24 Agus air mosgladh do Ioseph as a chodal, rinn e mar a dh'iarr aingeal an Tighearn' air, agus ghabh e d'a ionnsuidh a bhean:
25 Agus cha d'aithnich e i gus an d'rug i a ceud-ghin mic; agus thug e Iosa mar
ainm air.